Tre njerëz që besohet se ishin bllokuar në një ishull të pabanuar në Bahamas për 33 ditë janë shpëtuar, thotë Garda Bregdetare e SHBA.

Një ekuipazh ajror ishte në një patrullë rutinë kur vërejti grupin duke tundur furishëm një flamur të improvizuar në Anguilla Cay, shkruan BBC, transmeton portal arbresh.info

Të ngujuarit u thanë zyrtarëve se kishin mbijetuar kryesisht me arra kokosi.

Një nga anëtarët e ekuipazhit të përfshirë në përpjekjet e shpëtimit i tha BBC se ai ishte “i habitur që ata ishin në gjendje të mbijetonin për kaq gjatë”.

Grupi u pa për herë të parë në ishullin e vendosur midis Florida Keys dhe Kubës të hënën.

“Fatkeqësisht ne nuk kishim ndonjë folës të rrjedhshëm të spanjishtes, por me spanjishten time të thyer isha në gjendje të dalloja që ata ishin nga Kuba dhe se kishin nevojë për ndihmë mjekësore”, tha njëri nga anëtarët e ekipit të shpëtimit.

Grupi prej dy burrave dhe një gruaje u tha zyrtarëve të Rojës Bregdetare se ata notuan në ishull pasi anija e tyre u mbyt./arbresh.info/

#BreakingNews @USCG is assisting 3 people who have reportedly been stranded on Anguilla Cay, Bahamas for 33 days. An Air Station Miami HC-144 Ocean Sentry aircrew has dropped a radio, food and water. More to follow.#D7 #Ready #Relevant #Responsive #searchandrescue #USCG pic.twitter.com/D263ptTarz

— USCGSoutheast (@USCGSoutheast) February 9, 2021